Drama kursus vir kinders aangebied deur Brumilda van Rensburg       Kursus vorm 

PLEK WAAR KURSUS AANGEBIED SAL WORD:   PE - Plettenberg Baai - Kaapstad
TYDSDUUR VAN KLASSE:   09:00 TOT 17:00    

DATUMS KLASGELEENTHEID:  Kursusse  - op Saterdae en moontlik ander dae gedurende skool vakansie tyd op aanvraag

Die volgende aspekte sal breedvoerig aandag geniet: stem; hoe om advertensies en oudisies te hanteer; TV-aanbieding;  beweging en musiek;  emosie;  teater, TV en "soapies";  film,  selfvertroue bou, sy/haar verbeelding kreatief kan gebruik, dialoog kan hanteer, werksonderhoude kan verbeter, toesprake kan lewer en skryf, woorde effektief kan memoriseer, kan artikuleer (uitsprake), kan projekteer (deur dia-fragma gebruik), kreatief kan improviseer, lyftaal-maniërismes kan breek  .
Brümilda van Rensburg het 'n workshop fyn geslyp en so ontwerp dat dit aan die student praktiese kennis en vaardighede gee wat in die praktyk toegepas   kan  word. Sy weet van oudisies wat plaasvind, rolle wat beskikbaar is. So het van haar studente al baie goeie geleenthede te beurt geval.  In 2003, byvoorbeeld, het 'n paar studente die wonderlike geleentheid gehad om op die stel van die Amerikaanse film Hotel Rwanda saam met Nick Nolte te werk.  Brümilda skroom ook nie om, wanneer sy talent gewaar, haar studente te verwys na ander invloedrykes in die industrie nie. Henry Mylne, top regisseur is ook een van haar lektore  Om in aanmerking te kom vir al hierdie geleenthede, moet belangstellendes egter eers deur Brümilda se bekwame hande gaan.  'n Besoek aan die Egoli is ook ingesluit.
Voltooi asb die vorm vir navrae en info oor jou in: kliek :Kursus Vorm

Drama Course - for Kids

PLACE:            Plettenberg Bay (Cape Garden Route) - ( Port Elizabeth) - Cape Town 
TIME:                09h00 tot 17h00
DATES:             Saturdays and maybe other days during school holidays on demand

The  course covers and focus on :  How to handle commercials and auditions, TV Presenting, Theatre, TV Film and Soapies, Radio commercials ,Voice, music and movement ,Speeches and memorising dialogue ,How to use your imagination creatively , Building self esteem etc.Brümilda van Rensburg has designed the course in a manner that the students will have practical knowledge and insight to the industry.  She has started her own Agency, which enables her to send students to castings and auditions for commercials, roles in soapies, theatre and presenting.  More info on this will be discussed in the course. 

Some of our students were sent to auditions and got casted for Egoli, Dit wat stom is, Isidingo, Commercials and currently 5 actors are shooting in an international movie in Namibia  

Please complete the Form for more info about the course and for bookings:clickFORM

Brumilda skep opwinding met dramakursusse in Johannesburg

Brumilda is nou betrokke  by die daarstel van 'n belangrike nuwe platvorm waar Gauteng se toneeltalent geslyp kan word. Belangstellendes kan solank hulle vere regskud vir hierdie wonderlike geleentheid. 

Die strewe na die verryking van die individu en om die kunste toeganklik te maak vir meer mense - dus, om 'n merkbare impak te maak op die breë samelewing. Die dramakursus vul dus 'n leemte in Gauteng omgewing.

Die vorige kursus was baie suksesvol en het  'n breedvoerige oorsig bied van van 'n hele spektrum relevante onderwerpe soos:

• die bedryf

• teksanalise

• stem

• hoe om advertensies en oudisies te hanteer

• TV aanbieding

• beweging en musiek

• emosie

• teater

• TV en "sepies"

• films

• poësie

• prosa.

 Uit  Beeld  - Beeld Woensdag 2 Maart 2005
Brümilda gaan die drama in jou uitlok
Heléne Cilliers
As jy nog altyd gewonder het of jy dit in jou het om toneel te speel, is Brümilda van Rensburg se dramaklasse dalk net die antwoord.

Die bekende aktrise en Egoli ster het 'n kort dramakursus só ontwerp dat dit aan die student kennis en vaardighede gee wat in die praktyk toegepas kan word.

Na afloop van die kursus sal studente weet of dié bedryf vir hulle is of nie, sê Brümilda. Volgens haar het sommige studente al besluit om voltyds drama te gaan studeer, terwyl die kursus vir ander weer passies in hul lewens ontsluit het wat hulle jare lank onderdruk het. Maar dié kursus is nie net vir mense wat 'n toneelloopbaan wil volg nie.

Volgens Brümilda is die belangrikste aspek van die kursus die feit dat mense selfvertroue kry. Hulle leer dat hulle enigiets kan doen, of dit nou is om'n seremoniemeester op 'n troue te wees of om oudisies vir advertensies te doen. Sy sê wat mense verhoed om dinge te kan doen, is hulle eie weerstand -- iets waarvan sy hulle in haar klasse help ontslae raak. "In dié bedryf moet mense bereid wees om gekke van hulself te kan maak en vir hulself te kan lag," sê sy. Een ding wat Brümilda verseker, is dat haar studente nie swak oudisies sal aflê na afloop van haar kursus nie. Sy sê as mense nie rolle kry nie, sal dit nie wees omdat hulle swak oudisies gedoen het nie, maar omdat hulle net nie reg was vir die rolle nie.

Studente leer 'n verskeidenheid tegnieke in die kursus, maar, "hoe goed hulle dit doen, hang af van hoeveel talent hulle het," sê sy. Sy voeg egter dadelik by dat sukses slegs van 10% talent afhang. "Die res is harde werk," sê sy.

Met agt sepies, internasionale rolprente wat hier gemaak word en talle TV-produksies, glo Brümilda dat daar genoeg werk in die land is. Sy glo ook dat niks uitvoerende kunstenaars verhoed om hul eie werk te skep nie.

'n Uitvloeisel van haar kursusse is haar eie agentskap, Brümilda's Acting Agency, wat die gaping in die mark vul vir jongmense wat nog nie ervaring het nie.

Die meeste mense op haar boeke is haar voormalige studente. Sy glo sy kan net mense aanbeveel as hulle eers onder haar hande deurgeloop het. Voordat sy enigiemand van haar agentskap na 'n oudisie stuur, sorg sy ook dat sy hulle deeglik voorberei.

"En dis hoe daar spesiaal 'n rol vir Ben Burger in Villa Rosa geskep is," spog sy.

Die volgende kursus van 50 uur word elke Saterdag tussen 09:00 en 17:00 van 23 April tot 6 Augustus by die Foxwoodteater in Houghton aangebied. Dit sluit ook 'n besoek aan die Egoli-filmstel in.

Dit was so 'n goeie belewenis - Brumilda kry presies reg met hierdie kursus wat sy beoog - jy kry 'n smakie van wat aangaan in die drama industrie. Haar vlak van eerlikheid is iets wat my vir lank sal bybly - sy skakel nie net moontlikhede van twyfel uit nie, maar dis ook 'n tipe van  "cruel to be kind". Ek respekteer julle vir die selflose effort wat julle insit. Elke geleentheid wat  ek kry om 'n oudisie ens by te woon gee 'n proetjie van my groot droom - en dis so verslawend  dat ek elke laaste druppel wil opslurp. Ek gaan vir seker die Advanced bywoon. Dankie vir julle -  dit was fantasties !
Llizabeth

Ek wil opreg dankie-sê vir jou. Jy het geen idee hoe baie hierdie kursus vir my beteken nie. Ek het vir die eerste keer in my lewe vrede gemaak met myself. Afgesien daarvan af het ek 'n stowwerige hartskamer weer oopgesluit. Hierdie keer gaan ek nie my kamer weer sluit nie. Om te sê jy hou van acting and performing is pragtig, maar as dit jou laat asem haal is dit 'n ander storie. Dankie dat jy weer lewe in my geblaas het. Opregte liefde en dank,
Jackie Oosthuizen

Ek wil graag baie baie dankie sê vir die wonderlike geleentheid en verrykende dramakursus wat jy aanbied het. 
Cyndie

Hi Brumilda,Jy het regtig ongelooflik baie moeite gedoen, en ek dink ons almal waardeer dit verskriklik baie want die kursus was fantasties !
Van Leoni